5 வயது குழந்தை இலவச பயணம்|TN Free Bus Travel for Kids Aged Below 5

5 வயது குழந்தை இலவச பயணம்| TN Free Bus Travel for Kids Aged Below 5

5 வயது குழந்தை இலவச பயணம்

அரசு முதன்மை செயலாளர் கே.கோபால், மேலாண் இயக்குனர்கள் அரசு விரைவு போக்குவரத்து கழகம் (சென்னை) லிமிடெட் சென்னை, மாநகர் போக்குவரத்து கழகம் (சென்னை) லிமிடெட், சென்னை, தமிழ்நாடு அரசு போக்குவரத்து கழகங்கள் – சேலம், கோயம்புத்தூர், திருநெல்வேலி, மதுரை, கும்பகோணம், விழுப்புரம் அனுப்பியுள்ள கடிதத்தில் கூறியிருப்பதாவது,

போக்குவரத்து துறையின் மானியக் கோரிக்கை எண் 48 மீது சட்டமன்ற பேரவையில் 5.5.2022 அன்று நடைபெற்ற விவாதத்திற்கு பின் போக்குவரத்து துறை அமைச்சர் அவர்கள் கீழ்க்கண்ட அறிவிப்பினை வெளியிட்டார்கள்.

5 வயதிற்கு உட்பட்ட குழந்தைகளுக்கு கட்டணமில்லா பயணம் செயல்படுத்துதல்

“தமிழ்நாடு அரசு போக்குவரத்து கழகங்களால் இயக்கப்படும் அனைத்து வகை பேருந்துகளிலும் 5 வயதிற்கு உட்பட்ட குழந்தைகள் இலவசமாக பயணிக்க அனுமதிக்கப்படுவார்கள் (தற்போது 3 முதல் 12 வயது வரையிலான குழந்தைகளுக்கு அரை கட்டணத்தில் பயணசீட்டு வழங்கப்படுகிறது). மேற்கண்ட அறிவிப்பினை, உடனடியாக நடைமுறைப்படுத்த தேவையான அனைத்து நடவடிக்கை மேற்கொள்ளுமாறு அரசு இதன்வழி அறிவுறுத்துகிறது. இவ்வாறு, அதில் குறிப்பிடப்பட்டுள்ளது.