அரசு ஊழியர்கள் சொத்து விவரங்கள் வௌியிட முடியாது – தமிழ்நாடு தகவல் ஆணையம்

அரசு ஊழியர்கள் சொத்துகள் மற்றும் கடன்கள் குறித்த விவரங்களை வெளியிட முடியாது என்று தமிழ்நாடு தகவல் ஆணையம் அதிரடியாக தெரிவித்துள்ளது.

மேலும், பொதுநலன் இல்லாமல், தனிப்பட்ட விவரங்களை வெளியிட முடியாது என்றும் தமிழ்நாடு தகவல் ஆணையம் உத்தரவிட்டுள்ளது.

கிருஷ்ணகிரியில் நீர்தேக்க திட்ட உதவி பொறியாளராக பணியாற்றிய காளிப்பிரியன் சொத்து, கடன், வருமான வரி விவரங்கள், தகவல் அறியும் உரிமை சட்டத்தின் கீழ் சீனிவாசன் என்பவர் கோரி இருந்தார். 

மனுவை விசாரித்த, மாநில தகவல் ஆணையர் ஆர்.ப்ரியக்குமார், விண்ணப்பத்தை தள்ளுபடி செய்து உத்தரவிட்டார். காளிப்பிரியன் ஊழல் செய்திருந்ததாக கருதினால் உரிய அமைப்புகளிடம் புகார் அளிக்கலாம் என்றும் மாநில தகவல் ஆணையர் உத்தரவிட்டார்.