அரசு பள்ளி ஆசிரியை மீது வழக்குப்பதிவு

 

கோவை கருமத்தப்பட்டி அருகே, 2ம் வகுப்பு மாணவியை பிரம்பால் அடித்து, கையில் காயத்தை ஏற்படுத்திய, அரசு பள்ளி ஆசிரியை மீது காவல்துறையினர் வழக்குப்பதிவு செய்து விசாரிக்கின்றனர். 

கருமத்தப்பட்டி அடுத்த எலச்சிபாளையத்தை சேர்ந்த ஸ்ரீராம், மனைவி பரிமளா, இருவரும் விசைத்தறி தொழிலாளர்கள். 12 வயது, 9 வயதில் இரு மகன்களும், 7 வயதில் ஒரு பெண் குழந்தையும் உள்ளனர். பெண் குழந்தை அதே ஊரில் உள்ள அரசு நடுநிலைப்பள்ளியில், 2ம் வகுப்பு படித்து வந்தார். 

கடந்த 7ம் தேதி மதியம், சக மாணவிகளுடன் அந்த மாணவி பள்ளியில் விளையாடி உள்ளார். அதை பார்த்த ஆசிரியை பெரியநாயகி அந்த மாணவியை பிரம்பால், இடது கை முட்டிக்கு கீழ் அடித்து உள்ளார். இதனால் ரத்தக்கட்டு, ஏற்பட்டு, மாணவி அவதிப்பட்ட நிலையில், பெற்றோரிடம் கூறியுள்ளார். மருத்துவ செலவை தான் கொடுத்து விடுவதாக உறுதி அளித்ததால், மாணவி அவிநாசியில் உள்ள மருத்துவமனையில் சேர்க்கப்பட்டார். 

இதையடுத்து, தங்களது குழந்தையை அடித்த ஆசிரியை மீது நடவடிக்கை எடுக்க வேண்டும் என பெற்றோர் காவல்துறையிடம் புகார் அளித்தனர். பின்னர், அடித்து காயம் ஏற்படுத்துதல் பிரிவின் கீழ் ஆசிரிைய மீது வழக்குப்பதிவு செய்தனர்.