You are at the right place to read the latest education news today in
Tamil. As well as you can read the latest TRB, TNPSC, sports, job news on
our website - TN Education Info.
Menu
மகாத்மா காந்தி கட்டுரை – சேவை திருமகன் மகாத்மா காந்தி
முன்னுரை
வரலாற்றை உருவாக்குவதில் ஒரு தனிமனிதரின் பங்கு எவ்வளவு என்பதற்கு இமயம் போன்ற உதாரணம்தான் மகாத்மா காந்தி. பாரத நாட்டின் மேன்மையை உயர்த்த பாடுபட்டதால் தேசத்தந்தை என்றும், பாராமர்களின் வாழ்விற்கு உழைத்ததற்காக அண்ணல் காந்தி என்றும் அழைக்கப்பட்ட காந்தியடிகள் பற்றி இக்கட்டுரையில் காண்போம்.காந்தி பிறந்த ஊர்
இந்தியாவில் வடமேற்கே உள்ள போர்பந்தரில் வணிகர் குலத்தில் காபாகாந்தி – புத்திலிபாய் இணையருக்கு பிறந்தார். இளமையில் அவரது இயற்பெயர் மோகன்தாசு சுரம்சுந்த் காந்தி, இது இவரது குடும்பப் பெயர். ‘தேசத் தந்தை’ மகாத்மா காந்தியின் பிறந்த நாளான அக்டோபர் 2, தேசிய நாட்களில் ஒன்றாக அங்கீகரிக்கப்பட்டுக் கொண்டாடப்படுகிறது. காந்தியின் பிறந்த நாளைச், ‘சர்வதேச அகிம்சை நாள்' ஆக 2007 ல் அங்கீகரித்து ஐ.நா. சபை கொண்டாடி வருகிறது.காந்தி இளமை காலம்
பள்ளி பருவத்தில் தன்னுடன் இளமை பயிலும் மாணவர்களுடன் சேர்ந்த சில தீய பழக்கங்களை செய்தார். ஆனால் அரிச்சந்திரன் நாடகம் பார்த்த பின் திருந்தி வாழ சபதம் மேற்கொண்டு அவ்வாறே வாழ்ந்தாா். சிறுவனாக இருந்த பொழுது மத விசயங்களை பற்றி அவர் மனதில் பெருங்குழப்பங்கள் ஏற்பட்டன. பழமை பிடிப்பிலேயே வளர்க்கப்பட்டவர் என்பதால் அவருக்கும் கஸ்தூரிபாய்க்கும் அவரது 12 வயதிலியே திருமணம் நடந்தது. 19 வயது இளம் மனைவியை பிரிந்து மேல் படிப்பிற்காக இலண்டன் சென்று பாரிஸ்டர் பட்டம் பெற்று நாடு திரும்பினார்.காந்தி வழக்கறிஞர் பணி
வழக்கறிஞர் பணியினை பம்பாயில் தொடங்கிய காந்தியடிகள் வருவாய் கிடைக்காவிட்டாலும் பரவாயில்லை நீதியும், நேர்மையும் அரங்கேற வேண்டும் என்று அல்லும், பகலும் உழைத்தார். இவரது நேர்மையான செயல்பாட்டை அறிந்த தென்னாப்பிரிக்க நாட்டை சேர்ந்த அப்துல்லா என்பவர் தனது நிறுவனத்தில் ஏற்பட்ட பிரச்னையை தீா்க்க அவரை தென்னாப்பிரிக்க அழைத்து சென்றார்.