தேசிய சைக்கிளிங் போட்டி | கோவை எஸ்ஆர்எஸ்ஐ பள்ளி மாணவிகள் அபாரம்

ஜார்கண்ட் மாநிலம் ராஞ்சியில் நடந்த தேசிய அளவிலான சைக்கிளிங் போட்டியில் கோவை காரமடை எஸ்ஆர்எஸ்ஐ மெட்ரிகுலேஷன் மேல்நிலைப்பள்ளி மாணவர்கள் ஒரு தங்கம், ஒரு வெள்ளி பெற்று அசத்தியுள்ளனர். 

மத்திய அரசின் இளைஞர் நலன் மற்றும் விளையாட்டு அமைச்சகத்தால் அங்கீகரிக்கப்பட்ட இந்திய பள்ளிகளுக்கான விளையாட்டு குழுமம் சார்பில் பள்ளி மாணவர்களுக்கான விளையாட்டு போட்டிகளை நடத்தி ஊக்குவித்து வருகிறது.

நடப்பாண்டிற்கான தேசிய அளவிலான பல்வேறு விளையாட்டு போட்டிகள் நடத்தப்பட்டு வருகிறது. அதன்படி தமிழகத்தில் 37 மாணவர், மாணவியர்கள் ஜார்கண்ட் மாநிலத்தில் நடக்கும் தேசிய அளவிலான சைக்கிளிங் போட்டியில் பங்கேற்றனர்.

பள்ளி மாணவி கார்த்தியாயினி

இதில் கோவை எஸ்ஆர்எஸ்ஐ பள்ளி  பத்தாம் வகுப்பு மாணவி சாதனா ஸ்ரீ 17 வயதிற்குற்பட்ட பிரிவில், டீம் ஸ்பிரின்ட் பிரிவில் தங்கம் வென்றுள்ளார். இதேபோன்று அதே பள்ளியை சேர்ந்த 11ஆம் வகுப்பு மாணவி கார்த்தியாயினி, 19 வயதிற்குட்பட்டோர் பிரிவில், டீம் பர்ஸ்வுயூட் பிரிவில் வெள்ளிப்பதக்கம் வென்று அசத்தியுள்ளார்.

மத்திய அரசு நடத்ததும் தேசிய அளவிலான போட்டியில் வெற்றிபெற்ற மாணவிகளுக்கு பள்ளி தாளாளர் கோபாலகிருஷ்ணன், செயலர் ஜெயகண்ணன், முதல்வர் சரஸ்வதி, ஒருங்கிணைப்பாளர் மூர்த்தி மற்றும் ஆசிரியர்கள், ஊழியர்கள் வாழ்த்து தெரிவித்துள்ளனர்.