You are at the right place to read the latest education news today in
Tamil. As well as you can read the latest TRB, TNPSC, sports, job news on
our website - TN Education Info.
Menu
டெட் விவகாரம் அன்பில் மகேஷ் பேட்டி
பள்ளி கல்வித்துறை அமைச்சர் அன்பில் மகேஷ் பொய்யாமொழி இன்று செய்தியாளர்களை சந்தித்தார்.
அன்பில் மகேஷ் அவர் கூறியதாவது, ஆசிரியர் தகுதித் தேர்வு விவகாரம் தொடர்பாக தமிழக முதல்வர் மறுசீராய்வு மனு தாக்கல் செய்ய சொல்லியிருக்கிறார். இது குறித்து ஆலோசனை நடைபெற்று வருகிறது. மிக விரைவில் மறுசீராய்வு மனு தாக்கல் செய்யப்படும். நம்முடைய வரிப்பணத்தை தான் ஒன்றிய அரசிடம் கேட்கிறோம்.பள்ளிகளுக்கு ஒவ்வொரு ஆண்டும் பணம் கொடுத்துக் கொண்டிருந்தார்கள். கடந்த இரு வருடங்களாக சில கொள்கைகளை ஏற்றுக்கொள்ள வேண்டும் என நிர்பந்திக்கிறார்கள். இதனால் குழந்தைகள், ஆசிரியர்கள் பாதிக்காத வகையில் அரசு நடவடிக்கை எடுத்து வருகிறது. அதேவேளையில், சட்டப் போராட்டமும் நடத்தி வருகிறது. மத்திய கல்வி அமைச்சரை நேரில் சந்தித்து கேட்டும் இதுவரை நிதி கொடுக்காமல் வஞ்சித்து வருகின்றனர். தவெக விஜய் திருச்சியில் கூறிய குற்றச்சாட்டுகள் குறித்த கேள்விக்கு, இதுவரை தொலைக்காட்சி பார்க்கவில்லை என்று கூறிய அவர், கூட்டம் என்பது அதிக அளவில் வந்திருக்கும் என சொன்னார்கள், அதை பார்த்துவிட்டு எனது கருத்தை சொல்கிறேன் எனக் கூறினார். கூட்டம் என்பது பார்க்க வருகிறார்கள். வேடிக்கை பார்க்க வருகிறார்கள். அந்த தம்பிகள் வீட்டில் அரசின் பயனாளிகள் இருப்பார்கள். தமிழ் புதல்வன் மூலமாகவோ, மகளிர் உதவி தொகை மூலமாகவோ, காலை உணவு திட்டம் மூலமாக அவர்கள் குடும்பத்தினர் பயனடைந்து இருப்பார்கள். எல்லோருக்கும் எல்லாம் என்பதை திராவிட மடல் அரசு செய்து கொண்டிருக்கிறது, இவ்வாறு அவர் கூறினார்.